पथरी
मोरङ्गको पथरीशनिश्चरे नगरका २ वटा वडाहरुले ग्रासरुट वाट फुटवल खेलाडी उत्पादन गर्ने उद्धेश्य राखेर फुटवल प्रशिक्षण कार्यक्रम ल्याएका छन् । पथरीशनिश्चरे वडाको २ नम्वर र ८ नम्वर वडाले फुटवल खेलाडी उत्पादन गर्न ग्रासरुट फुटवल प्रशिक्षण कार्यक्रम सुरु गरेका हुन् । वडा नम्वर २ ले ए डिभिजन र वि डिभिजन लिगमा उत्कृष्ट प्रर्दशन गरेका फुटवलरलाई प्रशिक्षकको जिम्वेवारी दिएको छ ।

चर्च व्याइज युनाइटेडलाई लिग उपाधी दिलाउदाका मुख्य खेलाडी सन्तोष न्यौपाने र वि डिभिजनको आरसिटी वाट खेलेका अनिल चुडाल र लाल वहादुर लावतीलाई प्रशिक्षकको जिम्मेवारी दिएको वडा अध्यक्ष नैना राईले जानकारी दिए । वडाकै ३ वटा खेल मैदानमा ६० भन्दा वडी नयाँ फुटवल खेलाडीले प्रशिक्षण गर्ने छन् । पन्चायत मावीको खेल मैदान, वनसिमाको गोल चौरी र बास घरे चौरीमा प्रशिक्षण सुरु गरिएको हो ।

फुटवल क्षेत्रवाट पनि राष्ट्रलाई योगदान दिन खेलाडी उत्पादनको कार्यक्रम ल्याइएको हो । त्यस्तै वडा नम्वर ८ले समेत खेलाडी उत्पादनका लागी फुटवल प्रशिक्षण कार्यक्रम सुरु गरेको छ । प्रस्तावित पथरीशनिश्चरे नगर रंगशालामा फुटवल खेलाडीले प्रशिक्षण गर्ने भएका हुन् । वडाले वजेट विनियोजन गरेर फुटवल प्रशिक्षण सुरु गरिएको हो । पहिलो चरणमा वडाको एक स्थानमा फुटवल ग्राउण्ड भएकाले धेरै खेलाडीलाई समेटन प्रयास गरिएको वडा अध्यक्ष नविन कार्कीले जानकारी दिए । पथरीशनिश्चरे नगरमा मात्रै आधा दर्जन खेलाडी वि डिभिजन लिगमा सहभागी भएका छन् । १४ वर्ष देखी १८ वर्षका खेलाडी दुवै वडाले ुसु्रु गरेको प्रशिक्षणमा सहभागी भएका छन् । यसरी स्थानिय सरकारले नै खेलाडी उत्पादनका लागी कार्यक्रम ल्याउनु सकारात्मक भएको फुटवल खेलाडीहरु वताउछन् ।

प्रतिक्रिया

सम्बन्धित खवर

ताजा समाचार

लोकप्रिय